Тропарѝ и҆ кондакѝ во всю̀ седми́цꙋ

Песнопения на каждый день недели, включая воскресные тропари и кондаки восьми гласов.

.structured-reader > :not(noscript) { display: none !important; } .structured-reader, .prayer-reference-fallback { visibility: visible !important; }

Въ понедѣ́льникъ, безпло́тныхъ. Тропа́рь, гла́съ д҃:

Нбⷭ҇ныхъ во́инствъ а҆рхїстрати́зи, / мо́лимъ ва́съ при́снѡ мы̀ недосто́йнїи: / да ва́шими моли́твами ѡ҆градитѐ на́съ / кро́вомъ кри́лъ невеще́ственныѧ ва́шеѧ сла́вы, / сохранѧ́юще ны̀ припа́дающыѧ прилѣ́жнѡ и҆ вопїю́щыѧ: / ѿ бѣ́дъ и҆зба́вите ны̀, / ꙗ҆́кѡ чинонача́льницы вы́шнихъ си́лъ.

Конда́къ, гла́съ в҃:

А҆рхїстрати́зи бж҃їи, слꙋжи́телїе бж҃е́ственныѧ сла́вы, / а҆́гг҃лѡвъ нача̑льницы и҆ человѣ́кѡвъ наста̑вницы, / поле́зное на́мъ проси́те, и҆ ве́лїю млⷭ҇ть, / ꙗ҆́кѡ безпло́тныхъ а҆рхїстрати́зи.

Во вто́рникъ, прⷣте́чи. Тропа́рь, гла́съ в҃:

Па́мѧть пра́веднагѡ съ похвала́ми, / тебѣ́ же довлѣ́етъ свидѣ́тельство гдⷭ҇не, прⷣте́че: / показа́лбосѧ є҆сѝ вои́стиннꙋ и҆ прⷪ҇ро́кѡвъ честнѣ́йшїй, / ꙗ҆́кѡ и҆ въ стрꙋѧ́хъ крⷭ҇ти́ти сподо́билсѧ є҆сѝ проповѣ́даннаго. / тѣ́мже за и҆́стинꙋ пострада́въ ра́дꙋѧсѧ, / благовѣсти́лъ и҆ сꙋ́щымъ во а҆́дѣ, бг҃а ꙗ҆́вльшагосѧ пло́тїю, / взе́млющаго грѣ́хъ мі́ра, / и҆ подаю́щаго на́мъ ве́лїю ми́лость.

Конда́къ, гла́съ в҃. Подо́бенъ: Вы́шнихъ и҆щѧ̀:

Прⷪ҇ро́че бж҃їй, и҆ прⷣте́че бл҃года́ти, / главꙋ̀ твою̀ ꙗ҆́кѡ ши́покъ сщ҃е́ннѣйшїй ѿ землѝ ѡ҆брѣ́тше, / и҆сцѣлє́нїѧ всегда̀ прїе́млемъ: / и҆́бо па́ки, ꙗ҆́коже пре́жде / въ мі́рѣ, проповѣ́дꙋеши покаѧ́нїе.

Въ сре́дꙋ и҆ пѧто́къ, чⷭ҇тна́гѡ крⷭ҇та̀. Тропа́рь, гла́съ а҃:

Спасѝ, гдⷭ҇и, лю́ди твоѧ̑, / и҆ благословѝ достоѧ́нїе твоѐ, / побѣ̑ды на сопроти̑вныѧ да́рꙋѧ, / и҆ твоѐ сохранѧ́ѧ крⷭ҇то́мъ твои́мъ жи́тельство.

Конда́къ, гла́съ д҃:

Вознесы́йсѧ на крⷭ҇тъ во́лею, / тезоимени́томꙋ твоемꙋ̀ но́вомꙋ жи́тельствꙋ / щедрѡ́ты твоѧ̑ да́рꙋй, хрⷭ҇тѐ бж҃е: / возвеселѝ на́съ си́лою твое́ю, / побѣ̑ды даѧ̀ на́мъ на сопоста́ты, / посо́бїе и҆мꙋ́щымъ твоѐ ѻ҆рꙋ́жїе ми́ра, / непобѣди́мꙋю побѣ́дꙋ.

Въ четверто́къ, ст҃ы́хъ а҆пⷭ҇лѡвъ. Тропа́рь, гла́съ г҃:

А҆пⷭ҇ли ст҃і́и, / моли́те ми́лостиваго бг҃а, / да прегрѣше́нїй ѡ҆ставле́нїе / пода́стъ дꙋша́мъ на́шымъ.

Конда́къ, гла́съ в҃:

Твє́рдыѧ и҆ бг҃овѣща̑нныѧ проповѣ́датели, / ве́рхъ ᲂу҆чени̑къ твои́хъ гдⷭ҇и, / прїѧ́лъ є҆сѝ въ наслажде́нїе бл҃ги́хъ твои́хъ и҆ поко́й, / болѣ̑зни бо ѻ҆́нѣхъ и҆ сме́рть прїѧ́лъ є҆сѝ, па́че всѧ́кагѡ всепло́дїѧ, / є҆ди́не свѣ́дый сердє́чнаѧ.

Въ то́йже де́нь, ст҃а́гѡ нїкола́а. Тропа́рь, гла́съ д҃:

Пра́вило вѣ́ры и҆ ѻ҆́бразъ кро́тости, / воздержа́нїѧ ᲂу҆чи́телѧ / ꙗ҆ви́ тѧ ста́дꙋ твоемꙋ̀ / ꙗ҆́же веще́й и҆́стина. / сегѡ̀ ра́ди стѧжа́лъ є҆сѝ смире́нїемъ высѡ́каѧ, / нището́ю бога̑таѧ: / ѻ҆́ч҃е свѧщеннонача́льниче нїко́лае, / молѝ хрⷭ҇та̀ бг҃а, / спасти́сѧ дꙋша́мъ на́шымъ.

Конда́къ, гла́съ г҃:

Въ мѵ́рѣхъ ст҃е сщ҃еннодѣ́йствитель показа́лсѧ є҆сѝ: / хрⷭ҇то́во бо, прпⷣбне, є҆ѵⷢ҇лїе и҆спо́лнивъ, / положи́лъ є҆сѝ дꙋ́шꙋ твою̀ ѡ҆ лю́дехъ твои́хъ, / и҆ сп҃слъ є҆сѝ непови̑нныѧ ѿ сме́рти. / сегѡ̀ ра́ди ѡ҆свѧти́лсѧ є҆сѝ, / ꙗ҆́кѡ вели́кїй таи́нникъ бж҃їѧ бл҃года́ти.

Въ сꙋббѡ́тꙋ, всѣ́хъ ст҃ы́хъ, и҆ ме́ртвенъ. Тропарѝ, гла́съ в҃:

А҆пⷭ҇ли, мч҃нцы и҆ прⷪ҇ро́цы, / ст҃и́телїе, прпⷣбнїи и҆ првⷣнїи, / до́брѣ по́двигъ соверши́вшїи, и҆ вѣ́рꙋ соблю́дшїи, / дерзнове́нїе и҆мꙋ́щїи ко сп҃сꙋ, / ѡ҆ на́съ того̀ ꙗ҆́кѡ бл҃га моли́те / сп҃сти́сѧ, мо́лимсѧ, дꙋша́мъ на́шымъ.

Сла́ва: Помѧнѝ гдⷭ҇и ꙗ҆́кѡ бл҃гъ рабы̑ твоѧ̑, / и҆ є҆ли̑ка въ житїѝ согрѣши́ша простѝ: / никто́же бо безгрѣ́шенъ, то́кмѡ ты̀ / могі́й и҆ преста́влєннымъ да́ти поко́й.

И҆ ны́нѣ, бг҃оро́диченъ: Мт҃и ст҃а́ѧ неизрече́ннагѡ свѣ́та, / а҆́гг҃льскими тѧ̀ пѣ́сньми почита́юще, / бл҃гоче́стнѡ велича́емъ.

Кондакѝ, гла́съ и҃:

Ꙗ҆́кѡ нача́тки є҆стества̀ насади́телю тва́ри, / вселе́ннаѧ прино́ситъ тѝ гдⷭ҇и, бг҃онѡ́сныѧ мч҃нки: / тѣ́хъ мл҃твами въ ми́рѣ глꙋбо́цѣ / цр҃ковь твою̀, жи́тельство твоѐ, бцⷣею соблюдѝ, многомлⷭ҇тиве.

Гла́съ то́йже: Со ст҃ы́ми ᲂу҆поко́й / хрⷭ҇тѐ, дꙋ́шы ра̑бъ твои́хъ, / и҆дѣ́же нѣ́сть болѣ́знь, ни печа́ль, / ни воздыха́нїе, / но жи́знь безконе́чнаѧ.