Молитва о болящих

О́тче Святы́й, Врачу̀ небе́сный душа́м и те́лом, посла́вый Единоро́днаго Сы́на Твоего̀, Го́спода на́шего Иису́са Христа̀, исцеля́ющаго вся́кий неду́г и от сме́рти избавля́ющаго: исцелѝ раба̀ Твоего̀ (имя) от вся́кия боле́зни, е́юже одержи́тся, и оживотворѝ его̀ благода́тию Христа̀ Твоего̀, моли́твами пресвяты́я Влады́чицы нашея̀ Богоро́дицы и при́сно Де́вы Мари́и, и всех святы́х Твои́х;

я́ко Ты̀ есѝ исто́чник вся́каго исцеле́ния, Бо́же наш, и Тебѐ сла́ву возсыла́ем с Единоро́дным Тѝ Сы́ном, и с присносу́щным Тѝ Ду́хом, ны́не и при́сно, и во ве́ки веко́в, ами́нь.