Молитва о блаженной смерти

Бо́же благи́й, Его́же ми́лости несть преде́ла, спасе́ния на́шего ра́ди претерпе́вый стра́сти и я́звы и го́рькую смерть на крестѐ, Тебѐ усе́рдно молю́ся: даждь мѝ сконча́ти, я́ко пра́веднии сконча́шася; да не умру̀, до́ндеже угожду̀ Тебѐ во̀ всем, и Твоего̀ пресвята́го Те́ла и пречи́стыя Кро́ве Твоея̀ причащу́ся.

Наста́ви мя̀ на путь спасе́ния, и во̀ вре́мя исхо́да моего̀ окая́нную мою̀ ду́шу соблюдѝ и те́мныя о́бразы лука́вых бесо́в от нея̀ удалѝ, и ве́чныя сла́вы насле́дника мя̀ сотворѝ.

Я́ко Ты̀ есѝ Царь ми́ра и Спас душа́м на́шим, Христѐ Бо́же наш, и Тебѐ сла́ву возсыла́ем со̀ безнача́льным Твои́м Отце́м, со̀ пресвяты́м, благи́м и животворя́щим Твои́м Ду́хом, всегда̀, ны́не и при́сно, и во ве́ки веко́в, ами́нь.