Молитва о оусопшемъ

Молитва Творцу о прощении грехов и упокоении усопшего в надежде воскресения.

Влады́ко Го́споди Бо́же на́шъ, Твое́ю мꙋ́дростїю созда́вый человѣ́ка, и о́бразомъ Твои́мъ Боже́ственнымъ почти́вый его̀ и вложи́вый въ него̀ дꙋ́хъ жи́зни, и вве́дшїй его̀ въ мї́ръ се́й, дарова́въ емꙋ̀ оупова́нїе воскресе́нїѧ и жи́зни вѣ́чныѧ, та́же престꙋ́пльшемꙋ емꙋ̀ за́повѣдь, Са́мъ Человѣколю́бче благи́й, соше́лъ есѝ на зе́млю да па́ки обнови́ши рꙋ́къ Твои́хъ творе́нїе.

Тѣ́мже мо́лимъ Тѧ̀, Влады́ко, пресвѧты́й, оупоко́й дꙋ́шꙋ раба̀ Твоегѡ̀ въ мѣ́стѣ свѣ́тлѣ, въ мѣ́стѣ прохла́днѣ, въ мѣ́стѣ поко́йнѣ; и ꙗ́же согрѣши́лъ е́сть сло́вомъ, илѝ дѣ́ломъ, илѝ помышле́нїемъ, простѝ емꙋ̀:

ꙗ́кѡ бла́гъ и человѣколю́бецъ Бо́гъ есѝ, и Тебѣ̀ сла́вꙋ возсыла́емъ со̀ безнача́льнымъ Твои́мъ Ѻтце́мъ, и съ пресвѧты́мъ, благи́мъ и животворѧ́щимъ Твои́мъ Дꙋ́хомъ, ны́нѣ и при́сно, и во вѣ́ки вѣкѡ́въ, ами́нь.