Молитва об усопшем

Влады́ко Го́споди Бо́же наш, Твое́ю му́дростию созда́вый челове́ка, и о́бразом Твои́м Боже́ственным почти́вый его̀ и вложи́вый в него̀ дух жи́зни, и вве́дший его̀ в мир сей, дарова́в ему̀ упова́ние воскресе́ния и жи́зни ве́чныя, та́же престу́пльшему ему̀ за́поведь, Сам Человеколю́бче благи́й, соше́л есѝ на зе́млю да па́ки обнови́ши рук Твои́х творе́ние.

Те́мже мо́лим Тя̀, Влады́ко, пресвяты́й, упоко́й ду́шу раба̀ Твоего̀ (имя) в ме́сте све́тле, в ме́сте прохла́дне, в ме́сте поко́йне; и я́же согреши́л есть сло́вом, илѝ де́лом, илѝ помышле́нием, простѝ ему̀:

я́ко благ и человеколю́бец Бог есѝ, и Тебѐ сла́ву возсыла́ем со̀ безнача́льным Твои́м Отце́м, и с пресвяты́м, благи́м и животворя́щим Твои́м Ду́хом, ны́не и при́сно, и во ве́ки веко́в, ами́нь.