Молитва после примирения враждовавших

Благодари́м Тя, Влады́ко Человеколю́бче, Царя́ веко́в и Пода́теля благи́х, разруши́вшаго вражды́ средосте́ния и мир пода́вшаго ро́ду челове́ческому, дарова́вшаго и ны́не мир рабо́м Твои́м: вкорени́ в них страх Твой, и друг к дру́гу любо́вь утверди́: угаси́ вся́ку ра́спрю, отыми́ вся разгла́сия собла́зны.

Я́ко Ты еси́ мир наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в, ами́нь.