Бл҃годаре́нїе ѡ҆ всѧ́комъ бл҃годѣѧ́нїи бж҃їи

Благодарственные тропарь и кондак о получении прошения и о всяком благодеянии Божием.

И҆ тропарѝ сїѧ̑, гла́съ д҃:

Бл҃года́рни сꙋ́ще недосто́йнїи рабѝ твоѝ гдⷭ҇и, ѡ҆ твои́хъ вели́кихъ бл҃годѣѧ́нїихъ на на́съ бы́вшихъ, сла́вѧще тѧ̀ хва́лимъ, бл҃гослови́мъ, бл҃годари́мъ, пое́мъ, и҆ велича́емъ твоѐ бл҃гоꙋтро́бїе, и҆ ра́бски любо́вїю вопїе́мъ тѝ: бл҃годѣ́телю сп҃се на́шъ, сла́ва тебѣ̀.

Сла́ва, гла́съ г҃: Твои́хъ бл҃годѣѧ́нїй, и҆ дарѡ́въ тꙋ́не ꙗ҆́кѡ рабѝ непотре́бнїи сподо́бльшесѧ влⷣко, къ тебѣ̀ ᲂу҆се́рднѡ притека́юще бл҃годаре́нїе по си́лѣ прино́симъ, и҆ тебѐ ꙗ҆́кѡ бл҃годѣ́телѧ и҆ творца̀ сла́вѧще, вопїе́мъ: сла́ва тебѣ̀, бж҃е преще́дрый.

И҆ ны́нѣ, гла́съ то́йже: Бцⷣе, хрⷭ҇тїа́нѡмъ помо́щнице, твоѐ предста́тельство стѧжа́вше рабѝ твоѝ, бл҃года́рнѡ тебѣ̀ вопїе́мъ: ра́дꙋйсѧ, пречⷭ҇таѧ бцⷣе дв҃о, и҆ ѿ всѣ́хъ на́съ бѣ́дъ твои́ми мл҃твами всегда̀ и҆зба́ви, є҆ди́на вско́рѣ предста́тельствꙋющаѧ.