Мл҃тва ст҃а́гѡ є҆фре́ма

Покаянная молитва Великого поста о борьбе со страстями и даре добродетели.

Гдⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. Покло́нъ.

Дꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. Покло́нъ.

Е҆́й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ. Покло́нъ.

Та́же ма́лыхъ в҃і, глаго́люще на кі́йждо покло́нъ: Бж҃е, ѡ҆чи́сти мѧ̀ грѣ́шнаго.

И҆ па́ки послѣдѝ мл҃твꙋ всю̀:

Гдⷭ҇и и҆ влⷣко живота̀ моегѡ̀, дꙋ́хъ пра́здности, ᲂу҆ны́нїѧ, любонача́лїѧ и҆ праздносло́вїѧ не да́ждь мѝ. Дꙋ́хъ же цѣломꙋ́дрїѧ, смиреномꙋ́дрїѧ, терпѣ́нїѧ и҆ любвѐ, да́рꙋй мѝ рабꙋ̀ твоемꙋ̀. Е҆́й гдⷭ҇и цр҃ю̀, да́рꙋй мѝ зрѣ́ти моѧ̑ прегрѣшє́нїѧ, и҆ не ѡ҆сꙋжда́ти бра́та моегѡ̀: ꙗ҆́кѡ бл҃гослове́нъ є҆сѝ во вѣ́ки вѣкѡ́въ.

и҆ покло́нъ є҆ди́нъ вели́кїй. Быва́ютъ вкꙋ́пѣ, ѕ҃і.