Моли́тва о боля́щих

О, Премилосе́рдый Бо́же, О́тче, Сы́не и Святы́й Ду́ше, в Неразде́льней Тро́ице покланя́емый и сла́вимый, при́зри благоутро́бно на раб Твои́х (и́мя), боле́знию одержи́мых; отпусти́ им вся согреше́ния их; пода́й им исцеле́ние от боле́зни; возврати́ им здра́вие и си́лы теле́сные; пода́й им долгоде́нственное и благоде́нственное житие́, ми́рныя Твои́ и преми́рныя бла́га, что́бы они́ вме́сте с на́ми приноси́ли благода́рныя мольбы́ Тебе́, Всеще́дрому Бо́гу и Созда́телю на́шему.

Пресвята́я Богоро́дица, всеси́льным заступле́нием Твои́м помоги́ мне умоли́ть Сы́на Твоего́, Бо́га моего́, об исцеле́нии раб Бо́жиих (и́мя).

Все святы́е и а́нгелы Госпо́дни, моли́те Бо́га о больны́х рабе́х Его́ (и́мя). Ами́нь.